Romjul

Måne over Ålfjorden

Etter ei heidundrande julefeiring, reiste me nordover 2. juledag. Oppe på Tveit var det folksamt, så me lånte hytta til søstera mi. Veret var mildt sagt varierande, frå 7-8 varmegrader og ned i eit par minus, litt snø, litt regn og litt opplett, frå vindstille til skikkeleg blåsbortdag. 

I hytta putlar me på så godt me kan. Det første me gjorde var å gjera oss ferdige med paneling av den delen av taket som me var begynt på.

Så var spørsmålet: Skal me fortsetja på resten av taket, eller skal me begynna med veggplatene? Me ressonnerte oss fram til at sidan golvet under det nemnde taket såg sånn ut:

...så kunne det kanskje vera greit å begynna på veggene, slik at me fekk brukt opp ein del av det som ligg i vegen. Som sagt så gjort.

 Gemalen tenker djupe (?) tankar før han går til verket.

 Med gode handlangarar går det unna!

 MDF-plater i "to etasjar". Skøyten skal me skjula med ei list.

 Sånn! Det var ein vegg.

 Og så fekk me begynt litt på neste veggen, fram til der me skal ha kjøkkeninnreiding.

Ta-daaaa! 

Følg med i neste episode. Då skriv me nok 2013 også. Kanskje det blir året då me begynner å ta hytta i bruk? 

Nå har me i alle fall kome oss sørom fjorden, og er klare til nyttårsfeiring i Sandnes i morgon. 

Godt nyttår til dei som måtte snusa innom bloggen!