Me er ferdige med å spikra panel i tak!
Stovetaket er ferdigstilt - "berre" listing igjen.
Resultatet er me ganske nøgde med. Me veit om eit par "heilagdagar" som nok berre me ser, men har blitt einige om at den dagen me sit på hytta og kikkar opp i taket - då er det på tide med eit nytt prosjekt!
I tillegg til listing, gjenstår også å beisa dragarane i same fargen som takpanelen: "kalkhvit" frå Tyrilin. Dragarane har nokre misfargingar som eg ønskjer å bli kvitt før eg hiv meg over beisinga igjen. Denne gongen prøvde eg å vaska dei, utan at det gav noko nemneverdig resultat, så eg må nok til med pussemaskin, tenkjer eg.
Etter stovetaket heiv me oss over veggane på gangen. Dermed var det på 'an igjen med glava, plast og veggplater.
Hmm...
Det gjekk rasande fort, så før me forlot åstaden i dag, var også det prosjektet ferdig.
Mens me jobba i hytta, blei dei tre musketerane sysselsett av beste-Unn både i går og i dag. I går jobba dei med ved, og i dag hadde dei eit lavvo-prosjekt gåande borti skogen. Eldstemann hadde i tillegg med seg oppskriftpermen frå mat&helse på skulen, og inntok kjøkkenet saman med beste-Unn. Dei varta opp med brownies i går kveld, og potetsuppe i dag. Stor stas og mykje skryt!
