Vinterferie light

Då det var rådslaging i heimen om kva tid gemalen sine ferieveker skulle leggast dette året, kom me fram til at vinterferie blei nedprioritert. Ikkje desto mindre har me nå hatt to helger etter kvarandre med jobbing på Tveit, kor den siste helga blei av det ovale slaget. Pål tok fredagen fri, og dermed kom me oss avgarde torsdag ettermiddag.

Første helga dreiv Pål med noko stenderverk på kryploftet over gang/bod, i tillegg til at me sette opp panel i taket på gangen. Panel er fort gjort når ein berre har 90 graders hjørne å ta omsyn til...

Nå andre helga har me jobba med taket i stova. Ny runde med plast, lekter og skråskjering av panel. Dessutan tok me oss ein tur til Årabrot med søppel, i tillegg til at mykje kapp hamna på bålet utanfor hytta.

 Lettvint lunsj...

 Ketsjup-fjes...

Utruleg kor god plass me fekk, berre med litt rydding og kosting! Me kom ikkje heilt i hamn med panelen slik me hadde tenkt, men er ikkje så veldig langt unna, heller.

 

 Når me jobbar, har me Pål sin gamle radio som bakgrunnsstøy. Ungane utforska kassettspelaren, og jammen låg det ein kassett inni! Det viste seg å vera ein opptakskassett med filmmusikken til Rocky 4. Så lenge har den stått ubrukt!